Италия жыл соңына дейін шетелдік туристерге шекарасын ашпайды. Бұл туралы елдің мәдениет және туризм министрі Дарио Франческинидің БАҚ-та жарияланған сұхбатында айтылған.
«Шекаралардың ашылуы әр мемлекеттің эпидемиологиялық жағдайы мен саясатына байланысты», — деді министр.
Соңғы мәліметтер бойынша, Италияда коронавирус жұқтырғандардың саны 192 994-ке жеткен. Оның ішінде 25 969 адам көз жұмған.
Франческинидің айтуынша, Италияда коронавирусқа байланысты жабылған музейлер мен басты көрнекі жерлер мамырда ашылуы мүмкін.
Министр сондай көрнекі жерлердің бірі ретінде Колизей мен Помпеиді атады.
