СОЗАҚ ДАЛАСЫНАН КӨНЕ ДӘУІРЛЕРДІҢ РУ БЕЛГІЛЕРІ ТАҢБАЛАНҒАН ТАҢБАЛЫ ТАСТАР ТАБЫЛДЫ (Фото)

"Теріскейден неолит, қыпшақ дәуіріне жататын тарихи тастар табылды. Сырлы Созақ ауданында қазба жұмыстарын жүргізген археологтар бұл аймақтан сондай-ақ, жерлеу орындары мен өңделмеген алтын сынықтарын да кезіктірген. Таңбалы тас тарихи құнды жәдігерлері облыстық тарихи өлкетану мұражайында өткен баспасөз мәжілісінде таныстырылды", деп хабарлайды Adym.kz ақпарат агенттігі облыс әкімдігінің баспасөз қызметіне сілтеме жасап.

1823
Таңбалы  тас Қызылорда, Қарағанды және Түркістан облыстарының шекарасы түйіскен жерде орналасқан.  Қазір онда Елбасы тапсырмасына сәйкес зерттеу жұмыстары жүріп жатыр.  «Болашаққа  бағдар: рухани  жаңғыру» тарихи ескерткіштерді қайта қалпына келтіру бағытында бұл нысанға айрықша назар аударылуда.
Асылхан Темірхан, Түркістан облыстық мәдениет және  тілдерді  дамыту  басқармасы  басшысының  міндетін атқарушы:
— Өткен жылы бізде жұмысшы тобы құрылып, 104 нысан іріктеліп алынды. Оны «Рухани жаңғыру» кеңсесіне ұсындық. Тиісті ғалымдар зерделеп, біздің облыстан 26 нысан республикалық тізімге ензіліп отыр. Осы тізімнің ішінде Созақтағы таңбалы тас та бар.  
Жобаның  мақсаты — қасиетті  Түркістан  мен Ұлытау  арасын  жалғаған шежірелі аймақ атын насихаттау.  Тарихи  ескерткіштерді  сақтау. Қазба жұмыстарының бел ортасында жүрген археолог, Мәдени  мұра»  ғылыми  зерттеу  орталығының  ғылыми қызметкері Сағымбай Мұрғабаевтың айтуынша, Таңбалы тас аумағында тарихи 4 нысан анықталып отыр. Алдағы уақытта осы аумаққа туристік бағыттар белгіленбек.
Негізгі нысандар ретінде ол жерден екі кешен табылып отыр. Ол жерде де зерттеу жұмыстары жүріп жатыр. Жақын арада белгілі болады. Оның ерекшелігі сонда — ол құмды жер болып келеді. Сондықтан, ондағы жерлеу орындарындағы бұйымдар жақсы сақталған», — дейді ол.                                                                                                  
Аталмыш жұмыстар қоғамдық сананы жаңғырту бағдарламасының аясында жүзеге асып жатыр. Ал өңірде 1281 тарихи  ескерткіш бар.  Олардың жойылып кетуіне  жол  бермеу  үшін тыңғылықты тірлік атқарылуда. Жақында  тарихи киелі  орындарға  арналған аңыз-әңгімелер жинағы  жарық  көрмек. Сондай-ақ, тарихи ескерткіштерді көпшілікке насихаттайтын  арнайы  сайт  ашылмақшы.