ОҚО: МЕРЕКЕДЕ МЕДИЦИНА ҚЫЗМЕТКЕРЛЕРІНЕ 27 КӨЛІК ТАБЫСТАЛДЫ

"Жансейіт Түймебаев ақ халаттыларды «Медицина қызметкерлерінің күніне» орай ОҚО әкімі Жансейіт Түймебаев өңірдегі ауруханалар мен емханаларға 27 жедел - жәрдем қызметіне арналған көліктің кілтін табыс етті", деп хабарлайды Adym.kz ақпарат агенттігі облыс әкімінің баспасөз қызметіне сілтеме жасап

719

Ж.Түймебаев, ОҚО әкімі:
— Адам жанының арашасы болып табылатын дәрігерлердің қоғамдағы орны ерекше. Денсаулық сақтау саласы – мемлекеттік саясаттың басым бағыттарының бірі. Сондықтан біздің облысымызда бұл салаға бөлінетін қаржы жылдан жылға артып келеді. Соның арқасында біздің медициналық мекемелеріміз ең озық үлгідегі құрал-жабдықтармен жабдықталып, емдеудің тиімді тәсілдері қолданылып келеді. Мемлекеттік бағдарламаны іске асырудың арқасында 2017 жылы негізгі денсаулық көрсеткіштері өткен жылдың ұқсас кезеңімен салыстырғанда жақсарды. Мысалы өмір сүру ұзақтығы 72,6-дан 72,9 дейін артты. Жалпы өлім-жітім 5,3-тен 5,1 дейін төмендеді, ана өлімінің көрсеткіші 1,5% -ға, нәресте өлімі 13 пайыз, туберкулезден болатын өлім 14,8 пайызға төмендеді. Осының барлығы Сіздердің арқаларыңыз деп білеміз.
Жаңа автокөліктер науқасқа алғашқы көмек көрсетуге арналған қажетті құралдармен толық қамтамасыз етілген. Жыл соңына дейін өңіріміздегі медициналық мекемелерге тағы 20 арнайы көлік берілетін болады.
Айта кетейік, облысымыздағы денсаулық сақтау саласында қазіргі уақытта 7 мыңнан астам дәрігер мен 25 мың мейірбике еңбек етеді. Халық санының өсуіне байланысты аудан, қалаларда 10 амбулаториялық — емхана салынуда.