Нұр-Сұлтан қаласының қоғамдық денсаулық сақтау басқармасы Шортандыдағы жарылыстан зардап шеккен қыздың қайтыс болғанын мәлімдеді, — деп хабарлайды ADYM.KZ Tengrinews.kz сайтына сілтеме жасап.
«Өкінішка орай, Ақмола облысы Шортанды ауылында 22 қарашада кешке жарылыс кезінде зардап шеккен 2011 жылы туған қыз бала қайтыс болды. Бала ауыр халде Нұр-Сұлтан қаласындағы ауруханаға жеткізілді. Жағдайы ауыр болғасын, жансақтауға жатқызылған. Денесінің 60 пайызы термиялық күйік алған, бала комада болды», — деп хабарлады министрліктің баспасөз қызметі.
Медициналық көмек көрсетілгеніне қарамастан, жансақтаудағы науқасты құтқару мүмкін болмағаны хабарланды.
«22 қарашада сағат 23:00-де баланың жүрегі тоқтады. Жансақтау шараларының аясында жүрек қызметі қалпына келмеді. Қыздың туыстары мен жақындарына қайғырып көңіл айтамыз», — деді Денсаулық сақтау басқармасының баспасөз қызметі.
Бұған дейін 16 қарашада Ақмола облысы Шортанды кенті Линейная көшесінде газ баллоны жарылғаны хабарланған болатын. Жарылыстан 3 адам қаза тауып, 10 адам ауруханаға жатқызылған еді.
