Тағы 37 қазақстандық бір тәулікте коронавирус пен пневмониядан қайтыс болды, — деп хабарлайды ADYM.KZ Tengrinews.kz сайтына сілтеме жасап.
17 сәуірдегі мәлімет бойынша, 36 757 адам короновирус инфекциясынан (36 292 КВИ+ және 465 КВИ-) емделіп жатыр, олардың ішінде 12 933 пациент стационарда, 23 824 науқас амбулаториялық деңгейде ем қабылдауда. Кейінгі тәулікте 31 адам қайтыс болды.
КВИ+, КВИ- шалдыққандардың арасында:
• 641 адамның жағдайы ауыр;
• 159 пациенттің жағдайы өте ауыр;
• 107 науқас жасанды тыныс алдыру аппаратында жатыр.
COVID-19 белгілері бар пневмониямен сырқаттанушылар жөніндегі дерек
2021 жылғы 15 сәуірдегі мәлімет бойынша 68 жаңа жағдай тіркелді, 6 жағдай өліммен аяқталған. 72 адам жазылып шыққан.
2020 жылдың 1 тамызынан бастап: науқастар саны — 51 763, өлім жағдайлары — 748, барлығы 50 550 адам сауығып шықты.
