Қырғызстан-Қазақстан шекарасындағы «Кен-Булун-автожол» және «Токмок-автожол» бақылау-өткізу пункттері жұмысын қайта бастады, — деп хабарлайды ADYM.KZ Tengrinews.kz сайтын сілтеме жасап.
«2021 жылдың 8 ақпанындағы жағдай бойынша, мемлекеттік шекараның Қырғызстан-Қазақстан учаскесінде Шу облысындағы «Ақ тілек-автожол», «Чалдыбар-автожол», «Кен-Булун-автожол», «Токмок-автожол» және Талас облысындағы «Чон-Капка-автожол» өткізу пункттерінде азаматтар мен көлік құралдары өткізіледі. «Ақ тілек-автожол», «Чалдыбар-автожол» және «Чон-Капка-автожолда» жүк автокөлік құралдары өткізіледі. Ал «Кен-Булун-автожол» азаматтар мен көлік құралдары үшін, сондай-ақ Қырғызстаннан Қазақстанға бос жүк автоқұралдарын өткізу үшін ғана ашық», — деді ведомство өкілдері.
Сондай-ақ, жүк темір жол құрамаларын өткізу «Қайыңды-теміржол» өткізу пункті арқылы жүзеге асатыны белгілі.
Еске салайық, Қырғызстан-Қазақстан шекарасынан өту үшін адамдарға 72 сағатқа жарамды COVID-19 ПТР-тестінің теріс нәтижесі бар анықтама қажет.
Зулайка Эркимбаева, Бішкек
