Қазақстанның Төтенше жағдайлар министрлігі Ақмола облысы ТЖД-нің лауазымды қызметкерлері заңсыз ойын бизнесін ұйымдастырды деген мәліметке қатысты пікір білдірді, — деп хабарлайды ADYM.KZ Tengrinews.kz сайтына сілтеме жасап.
Министрлік мәліметінше, ТЖ департаментінің қызметкеріне қатысты жағдай ведомство бақылауында.
«30 қарашада Экономикалық тергеу департаментінің мамандары ТЖ департаментінің қызметкерін «заңсыз ойын бизнесін ұйымдастырды» (интернет-казино) деген күдікпен ұстап, 2 желтоқсанда босатты.
Қазір оған қатысты сотқа дейінгі тергеу амалдары жүргізіліп жатыр. ТЖ департаментінің қызметкері азаматтық қорғау органдарында 2002 жылдан бастап жұмыс істеп келеді», — делінген хабарламада.
Еске салайық, мұның алдында ТЖМ қызметкерлерінің ойын бизнесін ұйымдастырды деген күдікке ілінгені хабарланған болатын.
