«ҚР БҒМ ҒК СЭМЭ» ММ сейсмикалық станциялар желісі Алматы маңында сағат 7:13-те жер сілкінісін тіркеді, — деп хабарлайды ADYM.KZ Tengrinews.kz сайтына сілтеме жасап.
Жер сілкінісінің эпицентрі Алматыдан оңтүстікке қарай 95 шақырым жерде, Қырғызстан аумағында орналасқан.
Дүмпулер қанша баллға сезілгені (МЅК-64 шкаласы бойынша) туралы мәлімет жоқ.
Жер сілкінісінің энергетикалық класы 10.7.
MPV магнитудасы 4.9.
Эпицентрдің координаттары солтүстік ендік бойынша 42.73 градус және шығыс бойлықта 77.89.
Тереңдігі 5 шақырым.
Алайда алматылықтардың кейбірі жер асты дүмпулерін сезгенін мәлімдеді.
«Мен Жароков көшесі мен әл-Фараби даңғылының қиылысында тұрамын. Сілкіністен күрт ояндым. Бір рет қатты сезілді. Мен үлкен жүк көлігі өткен шығар десем. Кейде олардан жер дірілдейді емес пе. Қорқып кеттім», — дейді алматылық қыз.
