Шымкент қаласында COVID-19 инфекциясын жұқтырған 3 жағдай анықталды.
(15.04.2020 ж. сағат 23:30-дегі мәлімет бойынша)
Вирус жұқтырғандар — Шымкент қаласының тұрғындары. Жұқтыру қаупі жоғары топтағы медициналық қызметкерлерді тестілеу кезінде анықталғандар.
ПТР диагностикалық зерттеу қорытындысымен COVID-19 диагнозы нақтыланды.
Қазіргі таңда үш науқастың да жағдайы қанағаттанарлық. Бекітілген хаттамаға сәйкес тиісті ем жүргізілуде.
Қарым-қатынаста болған адамдар анықталып, барлығы медициналық бақылауға алынуда.
Ауру ошақтарында эпидзерттеу жұмыстары, дезинфекциялық жұмыстар жүргізілуде.
15.04.2020 ж. жағдай бойынша қалада коронавирус инфекциясына шалдыққан 43 адам анықталды.
