Іс-шара алты елдің қатысушыларының басын қосады, олар әр түрлі бағытта күресіп, шеберліктерін көрсетеді. Бұл туралы Өңірлік коммуникациялар қызметінің алаңында чемпионатты ұйымдастырушылар хабарлады.
Төрт күн бойы спортшылар өртті сөндіру тәжірибесінде қолданылатын түрлі сынақтар кешенін еңсеретін болады.
«Қазақстандық өрт сөндірушілер мен құтқарушылардың спорт федерациясы» қоғамдық бірлестігінің бас маманы Еркежан Төлеген Қазақстанның спорттың осы түрін дамытуға және насихаттауға барлық мүмкіндіктері бар екенін атап өтті.
«Қазіргі уақытта Қазақстан Республикасы ұлдар мен жасөспірімдер арасындағы XIII әлем чемпионатын және өрт-құтқару спортынан қыздар мен жасөспірімдер арасындағы IX әлем чемпионатын өткізуде үлкен жауапкершілікті өз мойнына алды. Жалпы, біздің еліміз осындай деңгейдегі іс-шараны өткізуде үлкен тәжірибеге ие. Бұған дейін, 2014 және 2021 жылдары біз ерлер мен әйелдер арасында әлем чемпионаттарын өткіздік. 2018 жылы Алматы қаласында біз ерлер мен әйелдер арасында халықаралық жарыстар өткіздік. Біз алғаш рет Алматы қаласында жасөспірімдер мен ұлдар, қыздар мен жасөспірімдер арасында әлем чемпионатын өткізетін боламыз. Сондай-ақ, облыстар мен қалалар бойынша спорттық олимпиадалық резервтегі балалар жасөспірімдер мектептерімен бірлесіп, 13 пен 18 жас аралығындағы балалар айналысатын секциялар бар», — деп бөлісті ол.
Брифингке қатысқан Қазақстан Республикасы қыздар мен жасөспірім қыздар құрамасының өрт сөндіру-құтқару спорты бойынша аға жаттықтырушысы Лаура Құлахмедова қыздар мен жасөспірімдердің бұл спорт түрі бойынша соңғы үш жылда ғана қатысып келе жатқанын айтты.
«Жасөспірім қыздар арасында өрт сөндіру — құтқару спорты елімізде әлем чемпионаты деңгейінде өтеді. Биыл біз үшінші рет қатысамыз. Республикада жасөспірім қыздар арасында өрт сөндіру-құтқару спорты енді ғана қолға алынып, дамып келе жатқандығына қарамастан, біздің қыздарымыздың дайындығы мен көрсеткіштері жақсы», — деп толықтырды ол.
Өрт-құтқару спорты бойынша ҚР қыздар мен жасөспірімдер құрама командасының мүшесі, әлем және ҚР чемпионаттарының жүлдегері Анастасия Бунякина бұл спорт түріне бір жыл бұрын келгенін атап өтті.
«Жеңіл атлетикадан жаттықтырушым мені осы спортқа шақырды, өйткені мен онымен бұрыннан айналысып келгем. Көптеген жасөспірім қыздар жаттықтырушыларының шақыруымен келді. Мен бұл спортпен бір жылдан астам уақыт айналысып келемін. Біз жаттығамыз, дайындаламыз, жақсы нәтиже көрсетеміз», — деді ол.
Брифингтің басқа қатысушылары да өз оқиғаларымен бөлісті. Өрт сөндіру — құтқару спорты бойынша ҚР жасөспірімдер мен жас жігіттер құрама командасының мүшесі, 100 метрлік кедергілер жолағы бойынша жеке біріншілікте әлем чемпионаттарының қола жүлдегері Саруар Мауланов спортқа өзінің үлкен ағасын үлгі тұтып келген.
«Мен бұл спорт туралы ағамнан білдім, мені осы спортқа әкелген ол деп айтуға болады. Мен де ағам сияқты жүгірумен айналысамын. Мені қызықтырды, содан бері айтарлықтай жетістіктерге жеттім», — деді ол.
Тағы бір спортшы, өрт сөндіру — құтқару спортынан ҚР жасөспірімдер мен жас жігіттер құрама командасының мүшесі, 100 метрлік кедергілер жолағы бойынша рекордшы, әлем чемпионаттарының күміс жүлдегері Абылай Серіков бұл спорт түрімен 11 жасында айналыса бастаған.
Бүгінде елімізде өрт сөндіру — құтқару спорты бойынша 20 ерлер, 14 әйелдер және 16 жасөспірімдер командасы бар.
Чемпионат төрт бағыт бойынша өткізіледі, олардың екеуі жеке біріншілік болса, екеуі — команда боп сайысқа түсу.
Бірінші бағыт — оқу мұнарасының терезесіне баспалдақтармен көтерілу.
Екіншісі — кедергілері бар жолақтың 100 метрін еңсеру.
Үшіншісі — 4х100 метрлік өрт сөндіру эстафетасы.
Төртіншісі — өрт сөндіру мотопомпасынан жауынгерлік қанат жаю.
Чемпионатты ұйымдастырушылар атап өткендей, спортшылар әр жаттығуды неғұрлым тез орындаса, нәтиже де соғұрлым жақсы болады.
Чемпионаттың ашылу салтанаты 15 тамызда сағат 20.00-де Орталық стадионда өтеді. Көрермендерді арнайы отты эффектілерге толы шоу, эстрада жұлдыздарының қатысуымен концерт, сондай-ақ, құтқарушы спортшылардың жарқын және жанды қойылымдары мен қатысушы командалардың шеруі күтеді.
Ұйымдастырушылар Алматы қаласының тұрғындары мен қонақтарын спортшыларды қолдауға шақырады.
