ТЖД бөлімшелерімен 18 адам құтқарылды, оның ішінде 4 бала.
Өңірде құтқарушылар су айдындарындағы қауіпсіздік бойынша, оның ішінде балалар демалыс лагерьлеріне барумен кең ауқымды жұмыс жүргізуде.
Департаментпен 63 құтқарушы-жасақшы оқытылды. 2100-ден астам профилактикалық рейд жүргізілді, демалушылардың қауіпсіздігін қамтамасыз ету мақсатында Бұқтырма су қоймасында Өскемен қаласының аумағына қызмет көрсететін мобильді және жылжымалы бекеттер қойылды.
Судағы қауіпсіздік шараларын бұзғаны үшін жыл басынан бері 1580 адам әкімшілік жауапкершілікке тартылды.
ТЖД құтқарушылары демалушыларды шомылу үшін тек жабдықталған орындарды таңдауға шақырады, өйткені қайғылы оқиғалардың барлық жағдайлары азаматтардың рұқсат етілмеген, шомылу үшін қауіпті ағынмен және тексерілмеген түбімен, бұрылыстармен шомылу орындарын таңдағандықтан болды.
Құтқарушылар сонымен қатар балық аулау кезінде суда жазатайым оқиғалардың жиі болатынына назар аударды. Олар суға жүзу құралдарымен шыққан кезде құтқару кеудешесін кию керек, қайықты шамадан тыс жүктемеу керек және қараңғыда өзендер мен көлдерде болмау керек деген ұсыныстар берді.
Брифинг соңында құтқарушылар суға батып бара жатқан адамға қалай дұрыс көмек көрсету керектігі туралы мастер-класс өткізді.
