Осы іс-шара аясында ТЖД мамандары қиын өмірлік жағдайдағы отбасыларға ерекше назар аудара отырып, тұрғын үйлерді жоспарлы аралауды жүзеге асырады. Сапар барысында құтқарушылар өрт қауіпсіздігі шаралары бойынша нұсқамалар жүргізеді, жылыту аспаптары мен тұрмыстық техниканы қалай дұрыс пайдалану керектігін, сонымен қатар, өрт туындаған жағдайда қалай әрекет ету керектігін айтады. Тұрғындарға өрт қауіпсіздігінің негізгі ережелері бар жадынамалар таратылады, бұл тәуекелдерді азайтуға көмектеседі.
Жылыту маусымында осал топтағы отбасыларға ерекше назар аударылады. Көпбалалы отбасылардың, тұрмысы төмен азаматтардың және өмірлік қиын жағдайдағы адамдардың үйлерінде көміртегі тотығын анықтау датчиктері мен түтін хабарлағыштары орнатылады. Бұл құрылғылар өрт немесе газдың шыға бастаған уақытында ерте анықтауға арналған, бұл уақытында әрекет етуге және қайғылы жағдайды болдырмауға мүмкіндік береді. Мұндай датчиктер көпбалалы және аз қамтылған отбасылардың үйлерінде орнатылған, бұл олардың қауіпсіздігін арттыру жолындағы маңызды қадам болып табылады.
ТЖД қызметкерлері профилактикалық іс-шаралар үнемі өткізіліп тұратынын, алайда өрт қауіпсіздігі ережелерін сақтамау мәселесі өзекті болып қала беретінін атап өтті. Көптеген азаматтар, өкінішке орай, қарапайым сақтық шараларын елемей, өз өмірлеріне ғана емес, айналасындағылардың өміріне де қауіп төндіреді.
ТЖД өрт қауіпсіздігі ережелерін қатаң сақтау қажеттігін еске салады. Балаларды қараусыз қалдырмау, төсекте темекі шекпеу, тұрмыстық техниканы пайдалану жөніндегі нұсқауларды орындау және электр сымдарының оқшаулауы зақымдалған құрылғыларды пайдаланбау маңызды. Бұл қарапайым, бірақ маңызды сақтық шаралары өмірді сақтап қалуы мүмкін.
Өрт немесе басқа төтенше жағдай туындаған жағдайда бұл туралы «101» немесе «112» телефоны арқылы дереу хабарлау қажет. Сіздің жеделдігіңіз бен сауатты әрекеттеріңіз қайғылы жағдайдың алдын алуда шешуші фактор болуы мүмкін.
Павлодар облысының аумағында тұрғын үй секторындағы өрттердің алдын алу мақсатында өрт қауіпсіздігі айлығы өткізіліп жатыр. Аталмыш іс-шараға азаматтық қорғау органдарының 500-ден астам қызметкері, жергілікті атқарушы органдардың өкілдері және еріктілер ұйымдарының өкілдері жұмылдырылды.
Бүгінгі таңда 7343 адам қамтылған 5 мыңнан астам жеке тұрғын үйлер араланды. Жергілікті атқарушы органдармен бірлесіп, халықпен 40-тан астам жиын ұйымдастырып, өткізілді. Жергілікті атқарушы органдардың есебінен халықтың әлеуметтік осал топтарына көміртегі тотығын ерте анықтайтын 50 датчик орнатылды, сондай-ақ түтін мұржалары тазартылды.
Пештерді тексеру және аулаларды аралау шеңберінде ТЖД мамандары азаматтарға пешті қыста қалай дайындау керектігін және өрт немесе көміртегі тотығымен улануды тудыруы мүмкін бұзушылықтарды жою туралы ережелерімен бөлісті. Жылыту кезеңі бойы пешпен жылытылатын барлық тұрғын үйлерге нұсқамалар беріліп, аулаларды аралау жүргізілетін болады.
ТЖД қызметкерлері азаматтарды өрт қауіпсіздігі ережелерін қатаң сақтауға шақырады. Өңірлік коммуникациялар қызметінде Қарағанды облысы ТЖД Мемлекеттік өртке қарсы бақылау басқармасының бастығы Нұрлан Жақыпбаевтың қатысуымен брифинг өтті. Шара барысында өткен жылыту маусымында өрттің алдын алу бойынша жұмыстардың қорытындысын жариялап, алдағы кезеңге алдын алудың негізгі бағыттарын атап өтті.
2023-2024 жылдары Қарағанды облысында тұрғын үй секторында 212 өрт тіркелді, бұл өткен жылыту маусымымен салыстырғанда 11%-ға аз, 237 оқиға тіркелген. Өрттердің алдын алу мақсатында ТЖД халықты қауіпсіздік шаралары туралы хабардар ету бойынша белсенді жұмыстарды жалғастыруда. Биылдың өзінде 182 мыңнан астам адамды қамтыған 77 мыңға жуық үйме-үй аралау, сондай-ақ халықпен 600-ге жуық жиын ұйымдастырылды. Алдын алу шаралары, соның ішінде кездесулер, дәрістер және парақшалар тарату жылу беру маусымы бойы жалғасады.
ТЖД азаматтарды өрт қауіпсіздігі ережелерін қатаң сақтауға шақырып, келесі аспектілерге мұқият назар аударудың маңыздылығын атап өтеді: сөндірілмеген темекі мен сіріңке қалдырмаңыздар; электр сымдары мен құрылғыларының жұмысқа жарамдылығын қадағалаңыздар; электр желілерін шамадан тыс жүктемеу, қолдан жасалған электр жылыту құралдарын қолданбаңыздар; пештер мен газ құрылғыларының жұмысқа жарамдылығын қамтамасыз ету, мұржаларды күйеден жиі тазалаңыздар; «Өрт қауіпсіздігінің негізгі талаптарын сақтау өрттердің болуын айтарлықтай төмендетуге мүмкіндік береді. Есіңізде болсын, сіздің және жақындарыңыздың қауіпсіздігі осы ережелерге мұқият және жауапкершілікпен қарауға байланысты», — деп атап өтті спикер.
Шығыс Қазақстан облысы ТЖД мамандары Ақпараттық орталықта өткен брифингте білім беру нысандарының жаңа оқу жылына дайындығы және мемлекеттік өрт бақылауын жүзеге асырудағы өзгерістер туралы баяндады.
ТЖД Мемлекеттік өрт бақылау басқармасы бастығының орынбасары Болат Тоқтарғалиев облыс аумағында 653 білім беру нысаны, оның ішінде 360 жалпы білім беретін мекеме (мектептер, лицейлер, гимназиялар) бар екенін айтты. Оқу жылына дайындық аясында білім беру бөлімдерімен бірлесіп, мектептердің өрт қауіпсіздігі ережелерінің сақталуына тексеру жүргізіледі. Ерекше назар ғимараттар мен құрылыстарға кіреберіс жолдарға, өртке қарсы су қамтамасыз ету жүйесіне, өрт автоматикасы мен эвакуация жолдарының жай-күйіне, электр жабдықтарының жарамдылығына, өрт сөндірудің алғашқы құралдарымен қамтамасыз етілуіне аударылады.
Осы жылы тәуекел дәрежесін бағалау критерийлеріне сәйкес 292 білім беру нысаны тексерілді, оның нәтижесінде өрт қауіпсіздігі талаптарын бұзудың 1543 фактісі анықталды. Білім беру нысандарына өртке қарсы жай-күйінің қанағаттанарлықсыз екендігі туралы хабарланды. ТЖД мамандары нұсқаулықтар мен қауіпсіз эвакуация бойынша 168 бірлескен жаттығу өткізді.
Брифинг барысында мамандар жалпы нысандарда мемлекеттік өрт бақылауын жүзеге асырудағы кейбір өзгерістер туралы айтып өтті.
Өрт қауіпсіздігі саласындағы профилактикалық бақылауды нысанды бақылау және қадағалау субъектісіне бару арқылы жүзеге асыру үшін тәуекел дәрежесін бағалау критерийлеріне және тексеру парақтарына өзгерістер енгізілді, сондай-ақ азаматтық қорғау туралы заңға өзгерістер енгізілді. Өрт қауіпсіздігі саласындағы қызметті немесе жекелеген қызмет түрлерін тоқтата тұру туралы актілердің нысандары бекітілді.
Тексеру парағында өрт қауіпсіздігі бойынша 81 талап бар, олардың бұзылуы жедел ден қою шараларын қолдануға – нысандағы қызметті немесе жұмысты тоқтатуға әкеледі. Жедел ден қою шараларының әрекет ету мерзімі барлық талаптар үшін бірдей – 60 күнтізбелік күн.
