Қостанай және Алтынсарин аудандарында патруль ұйымдастырылды. Өрт болған жағдайда жедел анықтауға және әрекет етуге мамандар машықтанады. Сондай-ақ, тұрғындарды орман алқаптарында өрт қауіпсіздігі талаптарын сақтау керектігі туралы хабарлармен қамтамасыз етуде.
ТЖД қызметкерлері алғашқы өрт сөндіру құралдарымен жабдықталған. Орман алқаптарында демалушылармен профилактикалық әңгімелесулер де жүргізіледі. Құтқарушылар өрт қауіпсіздігі ережелері туралы ақпараттық нұсқаулықтар таратып, олардың орындалғанын бақылайды. Бұл шаралар ормандардағы өрттердің алдын алуға бағытталған.
Қостанай және Алтынсарин аудандары орманның көптігімен ерекшеленеді, сондықтан табиғи ресурстарды сақтау және орман қорын қорғау бұл аймақтар үшін ерекше маңызға ие.
