ТЖМ Өртке қарсы қызмет комитетінің бастамасымен, адамдар көптеп жиналатын орындарда шартты өртті сөндіру және адамдарды қауіпсіз аймаққа шығару дағдыларын машықтау мақсатында, Шымкент қала аумағында ірі ойын сауық кешенінің бірі «Shymkent plaza» ғимаратында өрт-тактикалық жаттығу өткізілді.
Өрт-тактикалық жаттығудың тактикалық ой-мақсаты – күндізгі уақытта 1500 адамнан 1000 адамға дейін және түнде 500-ден 300 адамға дейін, сондай-ақ 200-ден астам адамға қызмет көрсететін персоналы мен күрделі орналасуы бар ғимараттағы өртті шартты түрде сөндіру.
Өрт-тактикалық оқу-жаттығуының мақсаты – Шымкент қаласы гарнизонының өртке қарсы бөлімшелері жеке құрамының практикалық дағдыларын пысықтау, басшылықта басшы құрамды жаттықтыру, қызмет көрсетуші персоналдың өртке қарсы қызметпен өзара іс-қимылын пысықтау, сондай-ақ қаланың тіршілікті қамтамасыз ету қызметтерімен өзара іс-қимылды ұйымдастыру.
Жаттығуға 66 жеке құрам мен 15 бірлік техника жұмылдырылды. 900-ден астам адам эвакуацияланды, жедел жәрдем, құтқару бригадалары, полиция қызметкерлері және арнайы техникалық қызметтер жұмылдырылды.
Шымкент қ. ТЖД адамдардың көп шоғырланатын орындарда өрт қауіпсіз ережелерін сақтауға шақырады.
