Денсаулық сақтау министрі Алексей Цой Қазақстанда карантин желтоқсан-қаңтар айларында күшейтілуі мүмкін екенін мәлімдеді, — деп хабарлайды ADYM.KZ Tengrinews.kz сайтына сілтеме жасап.
«Апта сайын мәліметтерге талдау мен болжам жүргізіледі. Қазіргі сценарий бойынша желтоқсан-қаңтар айларында карантин шаралары күшейтілуі мүмкін екенін көріп отырмыз. Барлығы жағдайды қалай басқара алатынымызға байланысты», — деді Цой ОКҚ онлайн-брифингінде.
Еске салайық, мұның алдында министр Қазақстанның коронавирус жұқтырғандар саны бойынша «сары» аймақта екенін айтқан болатын.
Айта кетейік, бүгінде қатаң шектеу шаралары енгізілген қаупі жоғары аймақтарда, яғни «қызыл» аймақта Шығыс Қазақстан, Солтүстік Қазақстан, Павлодар, Қостанай және Ақмола облыстары бар.
