Аудан әкімі орталықтағы дәріханаларды аралап, дәрілік заттардың сатылу жағдайыман танысып шықты.
Дәріхана иелері аудан басшысына қазіргі уақыттағы сұранысқа ие дәрі-дәрмектердің көпшілігі бар екендігін және тұрғындарға сатылып жатқандығын мәлімдеді. Дегенмен, кейбір қажетті дәрілерді алуға тапсырыс берілгендігін, жақын күндері келетіндігін айтты.
Ал бұл дәрілердің орнына балама дәрілер ұсынылатынын жеткізді. Барлық дәріханаларды аралап шыққан аудан әкімі дәріхана басшылығына алдымен санитарлық талаптардың қатаң сақталуын және бағаның негізсіз өсуіне жол бермеу қажеттігін тапсырды. Қазіргі таңда дәріханаларда карантин режиміне сәйкес, келушілер кезектілікпен кіргізілуде.
