«NurOtan» партиясынан аудандық мәслихат депутаттығына үміткер ретінде тіркелген Бегімбет Байғараев ауданымызға еңбегі сіңген, Созақ ауылының тұрғыны, зейнеткер, еңбек ардагері, көп балалы әке, қазыналы қария байланыс саласының озық қызметкері, Байжанов Сұлтанмұраттың отбасында болып, алда тұрған жауапты, саяси науқан туралы әңгіме қозғап, «NurOtan» партиясының сайлауалды бағдарламасымен таныстырды. Сөз кезегінде Сұлтанмұрат ақсақал «NurOtan» партиясын халықтың сенімін ақтайтын, іргесі мықты, саяси көзқарасы тұрақты партия екендігін айта келе, саяси науқанда елдің үлкен азаматтары ретінде белсенділік танытып «NurOtan» партиясына дауыс беретіндерін білдірді. -«NurOtan» партиясына дауыс беріңіздер, біздің ортақ мақсатымыз—ауданның әрбір тұрғынның өмір сүру деңгейін арттыру. Қиындықты еңсеріп, жеңіске бірге жетеміз!-деді аудандық мәслихат депутаттығына үміткер Бегімбет Байғараев.
