Жиын-семинар ашылған күннен бастап үш күн ішінде командалар «Техногендік апаттар жағдайында іздестіру-құтқару жұмыстары» дистанциясында жарыстардың күрделі кезеңдерінен өтті, олардың басты шартары «зардап шеккендер» мен «қаза болғандарды» іздестіру, оларды босату, алғашқы медициналық көмек көрсету және қауіпсіз жерге эвакуациялау.
Үш күннің қортындысы бойынша «Жол-көлік және темір жол оқиғалары», «Лабиринт», «Үйінді», «Химиялық апат», «Форт», «Арна», «Құтқару жұмыстары» кезеңдерінде «Техногендік апаттар жағдайында іздестіру-құтқару жұмыстары» дистанциясының үздік командалары анықталды.
«Техногендік апаттар жағдайындағы іздестіру-құтқару жұмыстары» дистанциясында өткен кезеңдердің қорытындысы бойынша жиналған балдардың жалпы сомасында бірінші болып ТЖМ 28237 әскери бөлімінің әскери қызметшілері көш бастап тұр, екінші – Батыс Қазақстан облысы ТЖД Жедел–құтқару жасағының командасы, ал үшінші – Ақмола облысы ТЖД Жедел–құтқару жасағының командасы.
«Ойлы-қырлы жерлермен жүгіру бойынша эстафета (Кросс)» және «Құтқарушының дене төзімділігі жолағы» дистанциясында бірінші орында Қарағанды облысы ТЖД Жедел–құтқару жасағының командасы, екінші орында – ТЖМ 28237 әскери бөлімінің командасы, үшінші орында – Алматы қаласының Құтқару қызметінің командасы.
Одан әрі командалар басқа дистанцияларды өткеруге кіріседі. Сонымен қатар бұл күндері кинологтар арасында жарыстар өтті, онда Қазақстанның үздік кинолог есептоптары қатысты.
Сондай-ақ салаға жаңа басшы тағайындалды. Алпамыс Камалов «Қазавиақұтқару» АҚ авиакомпаниясының бас директоры болып тағайындалды.
Ол 1981 жылы 31 қазанда Батыс Қазақстан облысының Орал қаласында дүниеге келген. Білімі жоғары, Азаматтық авиация академиясын «Әуе көлігін пайдалану» мамандығы бойынша, Орал қаласындағы Еңбек және әлеуметтік қатынастар академиясын «Мемлекеттік және жергілікті басқару» мамандығы бойынша, Саратов қаласындағы Ресей халық шаруашылығы және мемлекеттік қызмет академиясының «Мемлекеттік және жергілікті басқару» бойынша магистратураны бітірген. Ұлыбританияның Рудлоу қаласында «Ағылшын тілі және АТС фразеология» мамандығы бойынша біліктілігін арттырудан өтті, «Әдеттен тыс төтенше жағдайлардағы диспетчерлердің іс-әрекеттері» сертификатына ие, Чех Республикасы.
Еңбек жолын Азаматтық авиация академиясын бітіргеннен кейін Атырау қаласының «Қазаэронавигация» РМК филиалында инженер-диспетчер лауазымында бастады. Авиация саласында 10 жылдан астам жұмыс істеді. Әр жылдары әртүрлі басшылық лауазымдарда жұмыс істеді.
2024 жылдың наурызынан қыркүйекке дейін «Қазавиақұтқару» АҚ бас директорының инфрақұрылым және даму жөніндегі орынбасары болып жұмыс істеді.
Бұл іс-шара 15 тамызда басталған өрт қауіпсіздігі айлығы аясында өтті.
Осы күндері облыс бойынша азаматтық қорғау органдарының 450 қызметкері аулаларды аралауға шықты. 120 ерікті де көмек көрсетті. Нәтижесінде төрт мыңнан астам үй қамтылды. Қызметкерлер әр келген сайын жылыту кезеңінде өрт қауіпсіздігі ережелері туралы айтып берді. Жадынамалар табысталды, ал көп балалы отбасылар немесе халықтың әлеуметтік қорғалмаған топтарынан шыққан отбасылар тұратын үйлерде көміртегі тотығы датчиктері орнатылды. Осы күндері барлығы 50 құрылғы орнатылды.
Сондай-ақ, білім беру мекемелерінде, балалардың ойын-сауық орталықтарында ТЖД қызметкерлері «Оттан сақтан» акциясын өткізді. Ойын түрінде балаларға өрт қауіпсіздігі негіздері туралы айтылды, ересектермен және ойын-сауық орталықтарының қызметкерлерімен профилактикалық әңгімелер өткізілді.
Ташкентте AIGA эгидасымен грэпплингтен Азия чемпионаты аяқталды, оған 12 елден 1000-нан астам спортшы қатысты.
Осы беделді турнирде Қазақстанның атынан ең мықты балуандар қатысты, олардың арасында елордалық құтқарушы Көшен Ақанов ерекше көзге түсті. Ол бүкіл турнирден өтіп, Азия чемпионы атағын алу арқылы өзінің шеберлігі мен тактикалық дайындығын көрсете білді. Оның жеңісі еліміздің спорт қауымдастығы үшін ғана емес, әріптестері үшін де жарқын оқиғаға айналды, өйткені Көшен спорттық мансабын құтқарушы қызметімен ұштастыруда.
Халықаралық аренадағы жетістік Грэпплинг әлеміндегі Қазақстанның позициясын нығайтты және жанқиярлық пен тәртіптің әртүрлі салаларда биік белестерді бағындыра білудің үлгісі бола болды.
2024 жылғы 7 қыркүйекте Алматы облысының Тамғалы Тас шатқалында орналасқан «Жартасты қала – Астана» оқу-жаттығу полигонында «Қазқұтқару-2024» құтқару бөлімшелерінің республикалық жиналыс-семинары өтуде.
Семинарға ТЖМ жедел-құтқару бөлімшелерінің құтқару бөлімшелерінің 17 командасы, сонымен қатар Республикалық жедел-құтқару жасағы, ТЖМ әскери бөлімінен 1 командасы қатысуда. Командалар құтқару көпсайысында жарысты.
Командалар «Техногенді апаттар жағдайында іздестіру-құтқару жұмыстары» қашықтығында құтқару көпсайысы бойынша жарысуда. Кәсіби құтқарушылар «Жартас блогы» сатыларынан өтуде: «Үйінді», «Каньон», «Лабиринт», «Таулардағы құтқару жұмыстары», «Жол қозғалысы мен теміржол апаттары», «Химия», «Форт».
Жарыстың барлық кезеңдеріндегі командалардың негізгі міндеті — «жараланғандар» мен «қаза тапқандарды» табу, оларды босату, алғашқы медициналық көмек көрсету, оларды қауіпсіз жерге эвакуациялау.
Командалар жүргізілген жеребе салуға сәйкес жарысады. Жарыстың әр кезеңінің нәтижелері бойынша ең мықты қатысушылар анықталады.
2024 жылғы 6 қыркүйекте Алматы облысының Тамғалы Тас шатқалында орналасқан «Жартасты қала-Астана» оқу–жаттығу полигонында «Қазқұтқару-2024» құтқару көпсайысы бойынша жарыстар басталды.
Жарыстарға Қазақстан ТЖМ құтқару бөлімшелері қатысуда. Құтқару көпсайысы бойынша жарыстардың бас төрешілер алқасы Қазақстан Республикасы Төтенше жағдайлар министрлігінің жедел-құтқару жасақтары командалар арасында табиғи және техногендік сипаттағы төтенше жағдайларға тән табиғи және жасанды кедергілерден тұратын қашықтықтардан өту барысында құтқарушылардың үздік командаларын айқындауды жүзеге асыратын болады.
Қазақстан Республикасы ТЖМ жедел-құтқару жасақтары арасындағы құтқару көпсайысы бойынша жарыстар іздестіру-құтқару, авариялық-құтқару жұмыстарын жүргізу дағдыларын жетілдіру және жедел-құтқару жасақтары арасындағы өзара іс-қимылды пысықта, авариялық-құтқару құралдары мен техникасын пайдаланудың озық әдістерін меңгеру, іздестіру-құтқару жұмыстарын жүргізу тәжірибесімен алмасу, құтқарушылардың кәсіптік даярлығын жетілдіру мақсатында өткізіледі.
Жарыс 3 қашықтықты, атап айтқанда «Техногендік апаттар жағдайындағы іздестіру-құтқару жұмыстары», «Акваториядағы іздестіру-құтқару жұмыстары», «Табиғи орта жағдайындағы іздестіру-құтқару жұмыстары» дистанцияларын қамтиды.
Бірінші күні жеребе тартылды. Жарыстар 6-15 қыркүйек аралығында өтеді.
