Атырауда букмекерлік кеңсе түріндегі заңсыз ойын бизнесін ұйымдастыру дерегі анықталды. Ойын бизнесін ұйымдастырушылар сотталды, — деп хабарлайды ADYM.KZ Tengrinews.kz сайтына сілтеме жасап.
«Атыраудағы төрт мекенжай бойынша «Э-БК» ЖШС букмекерлік кеңсесі түріндегі заңсыз ойын бизнесін ұйымдастыру дерегі анықталды. Нысанды тексеру кезінде 17 процессор, 16 монитор, 32 теледидар, чек шығаруға арналған 14 термопринтер мен 1,2 миллион теңге тәркіленді», — деді агенттік өкілдері.
Атырау сотының үкімімен қаланың екі тұрғыны Қылмыстық кодекстің 28-бабы 5-бөлігі, 307-бабы, 3-бөлігі 2-тармағында көзделген қылмысты жасағаны үшін кінәлі деп танылып, әрқайсына төрт жылға бас бостандығын шектеу түріндегі жаза тағайындалды. Алынған заттай дәлелдемелер мемлекет кірісіне айналдырылды.
