Қазақстандық файтер Қуат «Найман» Хамитов Магнитогорск қаласында (Ресей) AMC Fight Nights және «Болат жүрек» лигалары ұйымдастырған аралас жекпе-жек турнирінде қарсыласын нокаутқа түсірді, — деп хабарлайды ADYM.KZ Tengrinews.kz сайтына сілтеме жасап.
Оның қарсыласы ресейлік Максим Пантелеев болды. Жартылай орта салмақта өткен жекпе-жектің бірінші раундының бірінші минутында Хамитов оң қолымен сәтті соққы жасап, қарсыласын нокаутқа түсірді.
Бастапқыда Хамитов басқа ресейлік Алексей Ильенкомен жекпе-жекке шығуы керек еді, бірақ соңғы сәтте қарсылас өзгерді.
