Қазақстанға әкелінген жеңіл өнеркәсіп өнімінің көлемі экспорттан 30 есе артып, өткен жылдың 11 айының қорытындысы бойынша киім өндірісі көптеген сегменттерде заттай түрде төмендеген, деп хабарлайды ADYM.KZ Egemen.kz басылымына сілтеме жасап.
Свитерлер, жемпірлер, кардигандар, кеудешелер және машинамен немесе қолмен тоқылған ұқсас трикотаж бұйымдары өндірісі бір жылда 40,8% — ға, 90,5 мың данаға дейін қысқарды. Нәрестелерге арналған киімдерді шығару 40,1%-ға, 14,6 млн теңгеге дейін, машинамен немесе қолмен тоқылған трикотаж киімдерді шығару — 39,4%-ға, 87,4 мың данаға дейін, ұйықтарды шығару-25,2%-ға, 10,7 млн жұпқа дейін төмендеді. Қалпақтар мен бас киімдер өндірісі, керісінше, оң нәтиже көрсетті: бір жылда бірден 54,1%-ға, 1,2 млрд теңгеге дейін өсті.
Өткен жылдың 11 айында елімізде 40,6 млрд теңгенің киім өндірілсе, көрсеткіш бір жыл бұрынғыға қарағанда 10,2%-ға артық. Нақты мәнде өндірістің өсуі өткен жылмен салыстырғанда небәрі 3,7%-ды құрап отыр. Өңір бойынша өндіріс көлемі, мысалы Алматы облысына (8,6 млрд тг, жылына -1,8%), Шымкентке (6,3 млрд тг, + 54,9%) және Алматыға (5,6 млрд тг, + 5,1%) келді. Жетекші өңірлерде «Glasman» ЖШС, «Арлан 777» ЖШС, «ТФ Ажар» ЖШС, «Медиатекс-Н» ЖШС, «Texti Market» ЖШС, «Демеу-Арна» ЖШС, «Техноавиа-Қазақстан» ЖШС, «Казлегпром-Алматы» ЖШС, «Арайлы» ЖШС, «Гаухар» тігін фабрикасы, «Нұрдан» компаниясы, «Әлем-БТ» ЖШС және басқа да көптеген компаниялар жұмыс істейді.
Өткен жылғы қарашаның қорытындысы бойынша киім мен аяқ киімнің бағасы 5,2%-ға өскен. Бағаның өсуін Қызылорда, Батыс Қазақстан және Солтүстік Қазақстан облыстарынан аңғаруға болады. Сыртқы киім бір жылда 4,7%-ға, оның ішінде ерлер — 4,6%- ға, әйелдер киімі — 5% — ға, балалар киімі 4,2%-ға өскен.
