Павлодар әкімі қанша жалақы алатынын айтты, — деп хабарлайды ADYM.KZ Tengrinews.kz сайтына сілтеме жасап.
Ержан Иманслям сыбайлас жемқорлыққа қарсы республикалық акция аясында Facebook желісіндегі тікелей эфир кезінде жалақысын айтты.
«Бүгінгі таңда менің Павлодар қаласының әкімі ретіндегі жалақым — 484 мың 363 теңге», — деді Иманслям.
Бұған дейін Қостанай облысының әкімі Архимед Мұхамбетов қанша жалақы алатынын айтқан болатын. Ол өңір басшысы ретіндегі жалақысы 766 мың теңге екенін мәлімдеген еді.
Ал қазанда Атырау қаласының әкімі Қайрат Оразбаев табыс салығы мен зейнетақы аударымдарын қоспағанда қолына 380 мың теңге алатынын айтқан болатын.
