Сарыағаш ауданы әкімінің өкімімен құрылыс бөлімінің басшысы болып Ибрагимов Алибжан Бекмагамбетұлы тағайындалды. Аудан әкімінің орынбасары М.Сейтимбетов бөлім қызметкерлеріне Алибжан Ибрагимовты таныстырды. Алибжан Бекмагамбетұлы 1986 жылы Жетісай ауданында дүниеге келген. Білімі жоғары. Еңбек жолын 2008 жылы «Бадам-тас строй» жауапкершілігі шектеулі серіктестігінің инженерінен бастаған. 2009-2019 жылдары «Түркістан жолсервис» ЖШС-нің инженері, мемлекеттік сәулет-құрылыс бақылауы басқармасының Шымкент қаласы бойынша құрылыс нысандарын бақылау бөлімінің жетекші маманы, бас маман, Оңтүстік Қазақстан облысы бойынша мемлекеттік сәулет-құрылыс бақылау және лицензиялау департаментінің бас маманы, құрылыс басқармасында бөлім басшысы, мемлекеттік сәулет-құрылыс бақылауы басқармасының қалалық мемлекеттік сәулет-құрылыс инспекциясы бөлімінің басшысы, Шымкент қаласы құрылыс басқармасы басшысының орынбасары. 2020 жылдың 11 қазанынан бастап бүгінгі күнге дейін Шымкент қаласы «Shymkent» СПК АҚ директоры қызметінде болды.
