Павлодар мұнай-химия зауытын (ПМХЗ) жоспарлы жөндеу жұмыстары қыркүйекке ауыстырылды. Бұл ақпаратты Энергетика министрлігінің баспасөз қызметі жариялады, — деп хабарлайды ADYM.KZ Tengrinews.kz сайтына сілтеме жасап.
«Павлодар мұнай-химия зауытында биыл 24 шілдеде басталуы тиіс жоспарлы алдын ала жөндеу жұмытары қыркүйекке ауыстырылады», — деді ҚР ЭМ баспасөз қызметіндегілер.
Бұл шешім күзгі дала жұмыстарын жүргізу кезінде ауыл шаруашылығы өндірушілерінің қажеттіліктерін қамтамасыз ету үшін мұнай өнімдерінің ыңғайлы көлемін жинақтау мақсатында қабылданған.
Бұған дейін Қазақстанның оңтүстік өңірлерінде дизель отыны мен бензин тапшылығы байқалғаны хабарланған болатын. Маусымда елдің оңтүстігіне мұнай өнімдерін жеткізуде үзілістер болды. Шымкент мұнай өңдеу зауыты жөндеуге тоқтатылған болатын.
