Қырғызстанда коронавирустың үшінші толқыны жүріп жатыр. Бұл туралы денсаулық сақтау министрінің орынбасары Жалалидин Рахматуллаев баспасөз мәслихатында мәлім етті, — деп хабарлайды ADYM.KZ Tengrinews.kz сілтеме жасап.
«Пандемия басталғаннан бері эпидемиологиялық ахуалдың екі рет өршігені байқалды: 2020 жылдың шілдесінде және қарашасында. Бүгінде 2021 жылдың сәуірінен бері инфекцияның үшінші толқыны жүріп жатқаны байқалады», — деді ол.
Министр орынбасарының айтуынша, Денсаулық сақтау министрлігі эпидемиологиялық жағдайды бақылауда ұстауға дайын. «Қызыл» аймақта жұмыс істеу үшін кадрлар резерві құрылған, сондай-ақ COVID-19 жұқтырған науқастарды орналастыру үшін қосымша төсек-орын дайындалған.
