Мемлекет басшысы Қасым-Жомарт Тоқаев Реформалар жөніндегі жоғарғы кеңес отырысын өткізіп, онда ұлттық санақ бойынша тапсырма берді, — деп хабарлайды ADYM.KZ Tengrinews.kz сайтына сілтеме жасап.
Ұлттық халық санағын ұйымдастыру мәселесі туралы айта отырып, Қасым-Жомарт Тоқаев бұл ауқымды іс-шара ең маңызды талдамалық деректерді, соның ішінде халықтың нақты саны, оның жасы, жыныстық құрамы, урбанизация дәрежесі, табыс деңгейі және басқа да ақпараттарды алуға мүмкіндік беретінін мәлімдеді. Бұл тексерілген, ақпараттандырылған басқару шешімдерін қабылдау үшін қажет екенін айтты.
Мемлекет басшысы премьер-министр бірінші орынбасарының төрағалығымен санақты дайындау мен өткізудің негізгі ұйымдастырушылық-мазмұндық мәселелерімен айналысатын арнайы жұмыс тобын құруды тапсырды.
Санақ биыл қазанда өткізіліп, 2022 жылдың ортасына дейін Үкімет соңғы мәліметтерді жариялауы керек.
