Оның айтуынша, бірнеше жыл бұрын Білім және ғылым министрлігі мектеп формасын кию туралы бұйрық шығарған. Жақында оған төтенше жағдай, карантин, шектеу шаралары, форс-мажор кезінде қалай киіну керектігі туралы арнайы пункт енгізіледі. Мұндай кезеңдерде балаларға «іскерлік классикалық киіммен» сабаққа баруға рұқсат етіледі.
Егер қазір ата-аналарға мектеп формасын сатып алу мүмкіндігі болмаса, онда олар балаларына классикалық және іскери стильде қарапайым киіммен қамтамасыз ете алуы керек. Біз осындай шешім қабылдадық. Бұл шешімді қазіргі жағдайда маңызды деп санаймыз, — деді Аймағамбетов.
Оның айтуынша, бұл жай ғана ұсыныс емес, олар мұны Білім және ғылым министрінің бұйрығына өзгеріс енгізіп, әділет органдарында тіркеп, жасамақшы.
Асхат Аймағамбетов жаңа шешімнің тек 2020-2021 оқу жылына арналғанын айтты.
Көптеген ата-ана экономикалық қиындықтарды бастан кешіріп жатыр. Сондықтан мектеп формасын алу отбасылық бюджеттен қосымша шығын болып табылады. Осы оқу жылында біз дәстүрлі немесе қашықтан оқитын болсақ та, бұл шешім сақталады. Жылдың ортасында біз дәстүрлі оқуға көшеміз, содан кейін мұғалімдер баланың мектеп формасын киюін талап етпейді. Бұл шешім бүкіл оқу жылында жарамды, — дейді Білім және ғылым министрі.
Дереккөз: baq.kz
