Алматыда пневмониядан Nomad Stunts командасының танымал актеры және каскадеры Мұрат Мұқашев қайтыс болды, — деп хабарлайды ADYM.KZ Tengrinews.kz сайтына сілтеме жасап.
Қайғылы оқиға туралы ақпаратты марқұмның досы әрі әріптесі Ерден Телемісов Facebook-те хабарлады. Оның айтуынша, Мұрат Мұқашев бір аптадай ауырған. Ол 5 шілдеде таңертең қайтыс болды.
Мұрат Мұқашев 1968 жылы Алматыда дүниеге келген. Индустриялық техникумды (1983-1987 жылдары) тәмамдаған. Қиыр Шығыста әскерде болған (1987-1989 жылдар). Кино индустриясына бала кезінде келген. Үш жасында ол «Ақ автомобиль» («Алпамыс мектепке барады» фильмінің тарихы) кинофильмінде эпизодқа түскен.
Сондай-ақ, актер «Мой дом на зеленых холмах» (ҚСРО, 1985), «Омпа» (1998), «Обратная сторона» (2009), «Сіз кімсіз, Ка мырза?» (2010), «Айша» (2011), «Марко Поло» (АҚШ, 2014), «Весь мир у наших ног» (2015) және «McMafia» (США, 2017) фильмдеріне түскен.
