«Шымкент қалалық әкімдігі тұрғындарға көмек көрсетіп жатыр», деп хабарлайды Adym.kz ақпараттық агенттігі Шымкент қаласы әкімдігінің баспасөз қызметіне сілтеме жасап.
Шымкент қаласындағы Қазанғап ақын көшесіндегі үйдегі 8 пəтердің төртеуіндегі қабырғада ені 10 см жарық пайда болған. Қазіргі таңға дейін бұл пəтерлерде 11 адам тұрып келген екен. Осыған орай үйге тиісті сала мамандары зерттеу жасаған. Тексерудің қорытындысы Шымкент қаласы əкімінің орынбасары Н.Ергешбектің төрағалығымен өткен төтенше жағдай бойынша қалалық комиссияның шұғыл отырысында талқыланды. Қазіргі таңда 4 пәтердің үшеуінің тұрғындарына уақытша баспана берілді. Жарықтың пайда болуына соқтырған себеп пен кінәлі тұлға анықталған соң ол тұрғындарға кінәлі тұлғаның есебінен баспана сатып алып беріледі.
Алдағы уақытта Шымкентті көптеген өзгерістер күтіп тұр. Ең маңыздысы – миллионды қаланың тұрғындары үшін кең көшелер мен көпқабатты тұрғын үйлердің санын арттыру. Қала сәулетін заман талабына сай қайта жаңарту мақсатында бірқатар тұрғын үйлер мен нысандардың мемлекет мұқтаждығына қайтарылатыны бұған дейін де сөз болған.
ШЫМКЕНТ ӘКІМДІГІ АПАТТЫ ЖАҒДАЙДАҒЫ ТҰРҒЫНДАРҒА ҮЙ АЛЫП БЕРДІ
Қазіргі таңда 4 пәтердің үшеуінің тұрғындарына уақытша баспана берілді.
