НАЗАРБАЕВ МАҢҒЫСТАУ ОБЛЫСЫНА БАРДЫ

Жексенбі күні өтетін маңызды саммитке төрт мемлекеттің басшылары келіп, Каспий теңізінің тағдырын шешеді.

«Президент Нұрсұлтан Назарбаев жұмыс сапарымен Маңғыстау облысына барды», деп хабарлайды Adym.kz ақпарат агенттігі Ақорданың ресми сайтына сілтеме жасап.
Мемлекет басшысы Ақтауда қаладағы нысандарды көріп, аймақтың әлеуметтік-экономикалық дамуына байланысты жиын өткізеді. Бұдан бөлек, Н.Назарбаев мультимодальды Құрық портының тұсаукесерін жасап, одан әрі Бесінші каспий саммитіне қатыспақ.
Жексенбі күні өтетін маңызды саммитке төрт мемлекеттің басшылары келіп, Каспий теңізінің тағдырын шешеді. Әзірбайжан, Иран, Түркіменстан, Ресей президенттері қатысатын саммитте Каспий теңізінің құқықтық мәртебесі жөніндегі Конвенцияға қол қойылады.