Іс-шараға ТЖМ құрылымдық, аумақтық бөлімшелері мен ведомстволық бағынысты ұйымдарының басшылары қатысты.
Бұл жолы алқа отырысы жаңа форматта өтті. Алдымен барлығы елордалық өрт сөндіру деполарын аралады. Соның бірі биыл күрделі жөндеу жұмыстарынан кейінгі сол жағалауда орналасқан №4 өрт сөндіру бөлімі. Ондағы құрылыс-монтаж жұмыстары министрдің тапсырмасы бойынша жүргізілді. Сонымен қатар «Көктал» шағын ауданында орналасқан № 24 мамандандырылған өрт сөндіру бөліміне барды. Жалпы ауданы екі гектар болатын екі қабатты жаңа өрт сөндіру депосы жергілікті атқарушы органдардың қолдауымен салынды. Оның салтанатты ашылуы ақпан айында Шыңғыс Әріновтың қатысуымен өтті.
Бұдан әрі делегация жөндеуден өткен және жаңғыртылған жаңа ахуалдық орталығы бар ТЖМ Дағдарыс жағдайларында басқару орталығына барды. Қайта форматталған ахуалдық орталықтың басты міндеті ТЖ-ны жою жөніндегі бірыңғай басқару органын құру болып табылады. Бүгінде мұнда басқару шешімдерін қабылдау үшін мемлекеттік органдардың жаңа ақпараттық жүйелері қолданылады. Мұнда төтенше жағдайлардың алдын алу және оларды жою үшін жедел шешімдер қабылданады.
Объектілерді аралау қорытындысы бойынша министрліктің ахуалдық орталығында кеңейтілген алқа отырысы өтті. Ведомство басшысы күн тәртібіне бірқатар мәселелерді талқылады. Ол қазіргі уақытта ұйымдық-штаттық іс-шаралар, ТЖМ штаттық құрылымын оңтайландыру жүргізіліп жатқанын атап өтті. Ведомствоның мақсаты қызметкерлердің әлеуметтік қамсыздандырылуын жақсарту, материалдық-техникалық жарақтандыруды нығайту, жаңа өрт сөндіру деполарын, құтқару станцияларын салу, әуе авиациясы паркін жаңарту және т.б. Азаматтық қорғаудың мемлекеттік жүйесін ТЖ-ны жоюдан цифрландыруды енгізе отырып, олардың алдын алуға қайта бағдарлау көзделеді. Осы мақсатта ТЖМ-де жаңа ТЖ-ның алдын алу комитеті құрылды.
Алқа қорытындысы бойынша ТЖМ басшысы төтенше жағдайлардың санын азайту және азаматтардың қауіпсіздігін қамтамасыз етуге бағытталған шаралар кешенін іске асыру бойынша бірқатар міндеттерді атап өтті. Сонымен қатар министр ұжымда тәртіпті сақтау және сыбайлас жемқорлық қауіп-қатерлерін жоюды жалғастыру маңызды екенін атап өтті.
