Біріккен күрес әлемінің Атқарушы комитеті (UWW) жасөспірімдер арасындағы әлем чемпионаты Уфада өтетінін мәлімдеді деп хабарлайды ADYM.KZ Egemen.kz басылымына сілтеме жасап.
Дүйсенбіде өткен отырыстан соң UWW бюросы күрес түрлерінен 2021 жылғы әлем біріншілігі Башқұртстанның (Ресей) Уфа қаласында өтеді деп шешті. Турнир 16-22 тамыз аралығында өтеді деп жоспарлануда.
UWW мүшелері 2019 жылы Нұр-Сұлтанда өткен күрес түрлерінен әлем чемпионатында Уфа қаласының кандидатурасын қолдаған болатын. Турнирді өткізуге София және Белград қалалары да өтінім берді. Жасөспірімдер арасындағы дода Ресейде алғаш рет өткелі тұр.
