Алматы облысында құны 53,3 миллион теңге болатын тауарды заңсыз тасымалдағандар ұсталды, — деп хабарлайды ADYM.KZ Tengrinews.kz сайтына сілтеме жасап.
ҚР ҚМ Қаржы мониторингі комитетінің Алматы облысы бойынша Экономикалық тергеу департаменті қызметкерлері «Экспресс-жүк» ЖШС директорына қатысты Қылмыстық кодекстің 234-бабының 2-бөлігі 4-тармағы («Аса ірі мөлшердегі экономикалық контрабанда») бойынша «Алтын көл» кеден бекеті арқылы Қытайдан Қазақстанға теміржол контейнерлерімен әкелінген кедендік құны 53,3 миллион теңге болатын декларацияланбаған тұтыну тауарларын кедендік шекара арқылы заңсыз өткізу фактісі бойынша сотқа дейінгі тергеуді аяқтады.
«Қылмыстық әрекеттердің нәтижесінде сот үкімі бойынша айыпталушы ҚР Қылмыстық кодексінің 234-бабының 2-бабында көзделген қылмысты жасағаны үшін кінәлі деп танылып, мүлкін мемлекет кірісіне тәркілей отырып, 3,7 миллион теңге көлемінде айыппұл түріндегі жаза тағайындалды», — делінген комитеттің хабарламасында.
