Футболдан Қазақстан құрамасының бас бапкері қызметіне Талғат Байсуфинов тағайындалды, — деп хабарлайды ADYM.KZ Tengrinews.kz сайтына сілтеме жасап.
Талғат Байсуфинов бұған дейін де ұлттық құраманы басқарып, 2018 жылғы әлем чемпионатының іріктеу кезеңіне қатысқан болатын.
Наурызда Қазақстан құрамасы 2022 жылғы әлем чемпионатына іріктеуді бастайды. Топтық кезеңде Франция, Украина, Финляндия, сонымен қатар Босния және Герцеговина құрамалары қарсылас болмақ.
Айта кетейік, бұған дейін Қазақстан құрамасын чехиялық маман Михал Билек жаттықтырған болатын. Оның баптауымен Қазақстан құрамасы Ұлттар лигасы С дивизионының тобында соңғы орын алған еді.
