Бұл туралы еңбек және халықты қорғау министрі Біржан Нұрымбетов брифинг кезінде хабарлады.
— Студенттер де кәмелетке толған еліміздің азаматтары. Бізде Еңбек кодексі бойынша 16 жастан бастап жұмыс жасауға болады. Шәкіртақы ала ма, алмай ма, ол жағы маңызды емес. Олар жұмыс жасауы мүмкін. Ешкім оған кедергі келтірмейді. Студенттердің көбі ресми және бейресми түрлі жұмыстар жасап, ақша табады. Мейрамханаларда даяшы, дүкендерде сатушы болып жұмыс істейтіндер бар. Олар ресми және бейресми жұмыс істеп жүр. Сондықтан студенттерге жалпы барлық азаматтарға бірдей тәртіп тарайды.
Егер ресми жұмыс істесе, жұмыс беруші береді. Ал өз бетінше ақша тауып жүргендер болса, өтініш берулері қажет. Бірақ, одан бір күн бұрын бірыңғай жиынтық төлемді төлеуі керек. Сол кезде әлеуметтік төлем алады. Біз шәкіртақы алатындығын, не алмайтындығын тексеріп жатпаймыз, — деді министр брифинг кезінде.
