Батыс елдерінде «Авиценна» атымен белгілі Абу Али Хусейн ибн Абдаллах Ибн Сина көптеген медициналық еңбектер жазды. Олардың ішінде, әсіресе жүрек-қантамыр жүйесіне қатысты тақырыпқа баса назар аударды. Оның ең үлкен шығармаларының бірі «Китабу’ш-Шифа» яғни «Денсаулық кітабы» адамзат тарихында жалғыз адам жазған ең ауқымды туынды.
980 жылы қазіргі Өзбекстанның Бұхара маңындағы Афшана қаласында дүниеге келген ол 16 жаста ол медицинаға бет бұрып, Кушяр атындағы бір дәрігерден медициналық білім алады. 19 жаста дәрігер атағын алып, науқастарды ақысыз емдей бастайды. Сонымен қатар жаңа емдеу әдістерін де дамытады. Медицина саласында білім алып қана қоймай, жаңа емдеу тәсілдерін де жетілдіреді. 21 жасқа толғанда өз дәуірінің ең атақты дәрігерлерінің бірі болып саналады.
Қара үзген шипагер жазған «Денсаулық кітабы» логика, физика, геометрия, астрономия, математика, музыка және метафизика тақырыптарында сол дәуірдің барлық білімдерін біріктіретін бір энциклопедия еді.
