Бүгінде монша толығымен сүріліп, асфальт төселуде. Д.Қонаев даңғылы ары қарай ұзартылмақ, деп хабарлайды Adym.kz ақпарат агенттігі қала әкімдігінің баспасөз қызметіне сілтеме жасап.
Дәл қазіргі уақытта моншаның орнында қазу жұмыстары жүргізілуде. Қалалықтардың бұл жерде үй соғылатын шығар деген күдіктері де жоқ емес.
Дегенмен Қалалық автомобиль жолдары және жолаушылар тасымалы басқармасының мамандары мұнда Д.Қонаев даңғылының жалғасын салу жұмыстары жүргізіліп жатқандығын айтуда. Бүгінде «Отау құрылыс» мердігер мекемесі аумақты қоқыстан тазартып жатыр. Қонаев даңғылын ұзарту жұмыстары 2019 жылға дейін жалғасатын болады.
Екі кезең бойынша жүргізілетін жол құрылысының I кезеңінде Түркістан көшесінен Әйтеке би көшесіне дейінгі аралықта ұзындығы 580 метр, ені 42 метр жол салынса, II кезеңде Әйтеке би көшесінен Володарский көшесіне дейін ұзындығы 480 метр, ені 42 метр болатын жол салынады.
