Сатыбалды Нарымбетов 1946 жылы 7 наурызда Оңтүстік Қазақстан облысы, Түркістан ауданы, Ащысай ауылында туған. Танымал режиссер көптеген толықметражды көркем және деректі фильмдер түсіріп, 10-нан астам фильмге сценарий жазған, бірнеше әңгімелер жинағының авторы. «Құрманғазы» деректі фильмінің, «Зауал», «Күзгі бұралаң жол» қысқа метражды фильмінің, «Ұрын келген күйеу», «Созақтан шыққан Гамлет», «Көзімнің қарасы», «Жас аккордеоншының өмірбаяны», «Омпа», т.б көркем фильмдердің режиссері. Қазақстанның еңбек сіңірген қайраткері, Мемлекеттік сыйлықтың лауреаты, Жорж Садуль атындағы сыйлықтың және тәуелсіз «Тарлан» жүлдесінің иегері.
