Қазіргі таңда «Жұмыспен қамту жол картасы» бағдарламасы аясында, Ленгір қаласындағы орталық «Жастық» стадионында күрделі жөндеу жұмыстары жүргізілуде. Стадионда жоспар бойынша пластикалық көрермен орындықтары, трибуна, жүгіру жолы, турник пен брусьялар орнатылады. Сонымен қатар, алаң аумағы шлакаблоктармен қоршалып, толық жарықтандыру жасалмақ. Нәтижесінде аудан тұрғындарының салауатты өмір салтын ұстануына септігін тигізетін заманауи стадион пайдалануға берілетін болады.
Осыған орай, аудан әкімі Бауыржан Омарбеков кешенді түрде жүргізіліп жатқан құрылыс жұмыстарының барысымен танысып қайтты. Аудан басшысы жұмыстың сапалы атқарылуы турасында бірқатар тапсырмалар жүктеді.
