Елорда тұрғындары COVID-19-ға тегін тест тапсыру үшін қажетті өтінімді www.cdl.kz сайты және «Smart Astana» қосымшасы арқылы толтыра алады.
Денсаулық сақтау министрлігінің эпидемиологтары анализ тапсыруы тиіс адамдарды белгілі бір көрсеткіштер негізінде іріктейді. Сөйтіп бекітілген тізімді «Олимп» клиникалық-диагностикалық зертханасына жібереді. Тест тапсыруы тиіс азаматтарға зертхана операторы хабарласып, қай жерге, қай уақытта келуі керектігін айтады.
Сараптама жасалатын зертханаға міндетті түрде медициналық маска киіп, жеке куәлікті ала келу керек. Тексеріс қорытындысы сауалнамада көрсетілген поштаға жолданады.
