Алматыда 6 сәуірдегі түске дейінгі мәліметтерге сәйкес, коронавирустық инфекция жұқтырудың расталған 116 жағдайы тіркелді.
Бүгін коронавирустық инфекциядан сауығып қалған тағы екі пациент ауруханадан шығарылды. Бұл 1997 және 1998 жылғы қыздар. Олардың бірі 15 наурызда Ыстамбұл-Алматы рейсімен ұшып келген, екіншісі бұған дейін анықталған науқаспен байланыста болған.
Бүгінгі күні Алматыда жалпы 21 пациент сауығып жазылды, оның ішінде 2-уі – бала. Олардың барлығы 14 күндік үй карантинінде.
Қазіргі уақытта провизор орталықтарында 521 адам бар, оның ішінде 79-ы – бала. Екі күндік карантинде – 390 адам (48 бала), үй карантинінде – 4805 адам отыр. Қазіргі уақытта қаланың жұқпалы аурулар стационарларында COVID-19 диагнозы бар 96 пациент бар, оның ішінде бір әйел адам Алматы облысының тұрғыны.
79 науқастың жай-күйі – қанағаттанарлық. 2 ересек адамның жай-күйі – өте ауыр, 2 адамда – ауыр, 13 ересек адамның жай-күйі – орташа.
