Жуырда Жетісай, Мақтаарал аудандарының білім және ғылым қызметкерлері кәсіподағының құрылтай конференциясы өтті, деп хабарлайды Adym.kz ақпарат агенттігі.
Күн тәртібіндегі басты мәселе – ауданның бөлінуіне орай білім беру ұйымдарының кәсіподақ басшыларын сайлау болатын. Бұл туралы «aq-qara.kz» ақпараттық агенттігіне сілтеме жасаған didarbek.kz хабарлайды.
Білім беру ұйымдарының Мақтаарал аудандық кәсіподақ комитетін көп жылдан бері басқарып келген Бахтияров Пердебек ақсақал зейнет жасында екенін ескертіп, бөлінген аудандарға сайлауға түсуден бас тартты. Бахтияров Пердебек ағайдың осы уақытқа дейінгі атқарған жұмыстарының есебі тыңдалып, сөз алған делегаттар бұрынғы басшыға ризашылығын білдіріп, алғыстарын айтты.
Мырзакент кенті Абылайхан атындағы жалпы орта мектебінің мәжіліс залында өткен Мақтаарал аудандық кәсіподақ басшысын сайлау тартысты өтті. Сайлау қорытындысы бойынша «Мақтаарал» гимназия-мектебінің директоры Алданияз Жолдасов сайланды. Жетісай қаласы Ахмет Байтұрсынов атындағы жалпы орта мектебінде өткен сайлауда кезіндегі Мақтарал ауданы кәсіподақ комитетінің бас маманы Асқар Ниязбеков бірауыздан Жетісай аудандық кәсіподақ комитетінің төрағасы болып сайланды.
©️ 2016-2021
Сайттағы ақпаратты пайдаланғанда гиперсілтеме берілуі тиіс. Авторлық құқықтар толығымен қорғалған. Автордың жеке пікірі редакцияның көзқарасы болып саналмайды. Жарнама, түрлі хабарландыруға жарнама беруші жауапты.
Редакциямен байланыс: info@adym.kz | adym.kaz@gmail.com | +7-777-396-65-76