Әзірет Сұлтан Мемлекеттік тарихи-мәдени қорық музейінің 40 жылдық мерейтойына орай қос бірдей жаңа кітап тұңғыш рет көрмеге қойылды, деп хабарлайды Adym.kz ақпарат агенттігі Әзірет Сұлтан Мемлекеттік Қорық-музейіне сілтеме жасап.
«Әзірет Сұлтан» мемлекеттік тарихи-мәдени қорық-музейі 40 жылдық мерейтойын атап өтті. Іс-шара барысында музейдің кітапханасында фото-кітап көрмесі ұйымдастырылды. Көрмеге қорық-музей кітапханасында сақталған сирек кітаптар, Түркістан өңірі туралы, сонымен қатар Қожа Ахмет Ясауи кесенесі жайлы құнды кітаптар қойылды. Айта кетейік, Жуырда ғана «Әзірет Сұлтан» қорық-музейіне 40 жыл» және «Түркістан жазирасының қыш ыдыстары» атты 2 жаңа альбом-кітаптары баспадан шыққан болатын. Таңдап алынған қос кітап оқырмандар назарын аударды. Шараға мекеме қызметкерлері мен қаладағы мектеп оқушылары қатысты. Жоғары деңгейде өткен көрмеде қойылған қос кітап келушілердің көңілінен шықты.
Қожа Ахмет Иасауи архитектуралық кешені ЮНЕСКО-ның Қызыл кітабына енгізілді. Ұлы Жібек жолының Алматы – Тараз – Түркістан бөлігінің қайта жаңғыруына сәйкес, Қазақстан Республикасы мен Түркия Республикасы Үкіметтерінің қамқорлығымен Әзірет Сұлтанның мәдени, материалдық және рухани мұралары қалпына келтірілуде.
©️ 2016-2021
Сайттағы ақпаратты пайдаланғанда гиперсілтеме берілуі тиіс. Авторлық құқықтар толығымен қорғалған. Автордың жеке пікірі редакцияның көзқарасы болып саналмайды. Жарнама, түрлі хабарландыруға жарнама беруші жауапты.
Редакциямен байланыс: info@adym.kz | adym.kaz@gmail.com | +7-777-396-65-76