Шымкент көшелерінде «Сергек» бейнекамералары орналастырылып жатыр

Үшінші мегаполисте аппаратты-бағдарламалық кешен «Сергек» пилоттық режимде орнатылуда, деп хабарлайды Adym.kz ақпарат агенттігі.
Жоба 29 тамызда Шымкентте өткен Shymkent Digital Day қорытындысы нәтижесінде жүзеге асып отыр.
Алғашқы «Сергек» кешені Қонаев даңғылы мен Рысқұлов көшесі қиылысында орнатылды. Әзірге камералар пилотты режимде жұмыс жасайды:  тек жол ережесін бұзушылықтарды анықтауда.
«Әзірге камералар пилоттық режимде жұмыс жасайды және тек жол ережесін бұзушылықтарды анықтауда. Жалпы «Сергек» камерасы жылдамдықты асыру, бағдаршамның қызыл түсіне тоқтайтын сызықтан өту, тыйым салынған жолдың жүру бөлігінің қарсы бағытқа жүруге арналған жағына шығу сияқты ереже бұзушылықтарды анықтайды», — деп түсіндірді қалалық Жолаушылар көлігі және автомобиль жолдары басқармасының жауаптылары.
Жалпы «Сергек» камерасы келесідей ереже бұзушылықтарды анықтайды: жылдамдықты асыру; қызыл сызыққа өту; тыйым салынған жолдың жүру бөлігінің қарсы бағытқа жүруге арналған жағына шығу.
Аппаратты-бағдарламалық кешенді қаладағы 35 жол қиылысында орналастыру жоспарлануда, жалпы 160 бейнекамера орнатылмақ.
Қосымша айта өтсек, «Сергек» камерасы Астана қаласында  орнатылған. Бейнекамера арқасында, өткен жылмен салыстырғанда 2018 жылдың 8 айында жол-көлік оқиғаларының саны 22% -ға, жарақаттанушылар саны 21 %-ға, ал жол-көлік оқиғасынан қаза болушылар саны 50% -ға төмендеген.