Созақта «Тәуелсіздік» саябағында көркейту жұмыстары жүргізілуде

Созақ ауданында ауданның 90 жылдық мерейтойды атап өтуге дайындық жұмыстары қызу жүргізілуде, деп хабарлайды Adym.kz ақпарат агенттігі Созақ ауданы әкімінің баспасөз қызметіне сілтеме жасап.
Қазан айының екінші онүкіндігінде сырлы Созақ ауданының құрылғанына 90 жыл. Аталған мерейтойды жоғары деңгейде атап өту үшін аудан халқы тынбай жұмылып, ұйымдастыру ісіне бел шеше кірісті. Мәселен, «Тәуелсіздік» саябағын көркейту көгалдандыру жұмыстары жүргізілуде. Тал көшеттері отырғызылып, гүлдер егілуде. Бүгінде Шолаққорған ауылы әкімдігі мен «Қазсушар» Түркістан облысы Созақ ауданы филиалының қызметкерлері, мектеп, балабақша жұмысшылары саябақты әрлеу, көркейту жұмыстарымен айналысуда.
Шолаққорған ауылының әкімі Әділ Елібаев; «Бүгінде аудан орталығын 90 жылдық мерекеге дайындық істеріне кірісіп кеттік. Барлық мекемелер тойдың дайындығына кірісіп кеткен. Жол бойына талдар егіліп, саябақтарды әрлеу жұмыстарын жүргізіп жатырмыз. Ауданның торқалы тойына дейін көркейту көгалдандыру жұмыстарын аяқтап, мерекелік күнге дейін дайын боламыз»,- дейді.
Алдағы сенбі күні, барлық мекемелер тұрғындармен бірлесіп кең көлемде сенбілік өтеді.