«Арзан бағамен автобус сатып алғысы келген екі ақтөбелік интернет арқылы байланысқа шыққан бейтаныс адамға 11 мың АҚШ долларын аударып жіберген. Осылайша интернеттегі алаяққа алданған ер азамат 8,1 мың долларынан айырылып қалды», деп хабарлайды Adym.kz ақпарат агенттігі Aktobenews.kz сайтына сілтеме жасап.
Облыстық ішкі істер департаменті интернет алаяқтарына алданып қалмауды ескертеді. Олардың айтуынша, алаяқтар ғаламтор желісінде қосалқы бөлшектер, тон, т.б. тауарларды нарықтағы бағасынан әлдеқайда арзан қылып көрсетіп, қызықтырады.
«Қарапайым тұрғындармен байланысқа шыққан алаяқтар ақшаны аударып жіберулерін сұрайды. Қаржы Ресейге аударылған. Бейтаныс адамдарға банктік шоттарыңыздағы жеке мәліметтерді айтпауларыңызды өтінеміз. Егер алданып қалсаңыз, дереу полицияға хабарласыңыз. Алаяқтармен жазысқан хаттарыңыз бен есептесу чектеріңізді ала келіңіз», — дейді тәртіп сақшылары.
Бүгінде жоғарыда аталған жайттар бойынша тергеу жұмыстары жүріп жатыр.
©️ 2016-2021
Сайттағы ақпаратты пайдаланғанда гиперсілтеме берілуі тиіс. Авторлық құқықтар толығымен қорғалған. Автордың жеке пікірі редакцияның көзқарасы болып саналмайды. Жарнама, түрлі хабарландыруға жарнама беруші жауапты.
Редакциямен байланыс: info@adym.kz | adym.kaz@gmail.com | +7-777-396-65-76