Таразда қатты жел соғып, үйдің шатыры ұшып көліктерге қалай құлағаны түсірілген видео әлеуметтік желілерде жарияланды. Видео қадрларынан құлаған ағаштарды да көруге болады. Полиция департаменті қала тұрғындарынан автокөліктерін қауіпсіз орындарға ауыстыруды сұрады, — деп хабарлайды ADYM.KZ Tengrinews.kz сайтына сілтеме жасап.
Instagram-да үйдің шатыры көліктерге қалай құлағаны түсірілген видео пайда болды.
«Қатты желден №16 үйдің шатыры ұшып, №14 үйге қарама-қарсы тұрған көліктердің үстіне құлады. Абай болыңыз», — дейді қыз видеода.
Видеодағы басқа кадрларда ағаштардың жолға құлап жатқанын көруге болады.
Жергілікті полиция қызметі бастығының орынбасары Жайдар Құттыбаев қала тұрғындарына үндеу жолдады.
«Тараз қаласының тұрғындары мен қонақтары қалада қатты жел соғуына байланысты көліктеріңізді ағаштар мен қауіпті аймақтарға қоймауларыңызды сұраймыз. Абай болыңыздар! Жаяу жүргіншілерден сақ болуын сұраймыз», — деді ол.
