Денсаулық сақтау министрлігінің лауазымды тұлғалары министрліктің бұрынғы басшыларына қатысты сотқа дейінгі тергеуге кедергі келтіруіне байланысты тергеу басталды. Бұл туралы қаржы мониторингі комитетіндегілер айтты, — деп хабарлайды ADYM.KZ Tengrinews.kz сайтына сілтеме жасап.
«Ағымдағы жылдың 23 желтоқсанында Денсаулық сақтау министрлігінің лауазымды тұлғалары мен басқа да тұлғаларға қатысты тергеуге кедергі келтіру фактісі бойынша Қылмыстық кодекстің 407-бабының 3-бөлігі бойынша сотқа дейінгі тергеу басталды.
Бұл адамдар қылмыстық процеске қатыспай, Денсаулық сақтау министрлігінің бұрынғы басшыларына қатысты қылмыстық іс бойынша тергеу барысы мен нәтижелері туралы шындыққа сәйкес келмейтін ақпаратты заңсыз жинау, беру және жариялау арқылы тергеуге араласуды жүзеге асырды»,- деді ведомстводағылар.
