«Nur Otan» партиясы Қазығұрт аудандық филиалының сайлауалды штабы бүгін, 11-ші желтоқсан сағат 11-00 де өз жұмысын бастады.
Ашылу салтанатында Штаб басшысы, «Nur Otan» партиясы Қазығұрт аудандық филиалы төрағасының бірінші орынбасары Есімхан Ешенқұлұлы Исақұлов сөз сөйлеп, штаб мүшелерін сайлау науқанының басталғанымен құттықтап, алдағы қызметте сәттілік тіледі.
Сонымен қатар штабта қоғамдық қабылдау бөлімі, қаржы секторы және материалдық-техникалық қамтамасыз ету бөлімі, ұйымдастыру бөлімі, қоғамдық-саяси жұмыс бөлімі қызмет жасайтынын жеткізді. Сөз барысында ол бөлімдердің құрамы мен атқаратын жұмысына тоқталды.
Сайлауалды штаб мүшелерінің ақсақалы Қазығұрт аудандық мәслихаттың депутаты, аудандық қоғамдық кеңестің төрағасы, Қазығұрт ауданының Құрметті Азаматы Мұқтар Момынұлы Момынов штаб мүшелігіне өткен сайлауларда шыңдалған, өз жұмысын аса жауапкершілікпен атқаратын, өз ісіне адал азаматтардың топтасқанын қуанышпен атап өтті.
Жиын соңында Штаб басшысы, «Nur Otan» партиясы Қазығұрт аудандық филиалы төрағасының бірінші орынбасары Есімхан Ешенқұлұлы Исақұлов штаб мүшелеріне сенім білдіріп, сайлауды ұйымшылдықпен өткізуге шақырды.
