Түркістан облысы әкімі аппараты әдеп жөніндегі уәкілі болып Исаев Мақсат Шамансұрұлы тағайындалды.
Білімі жоғары, біліктілігі экономист. Еңбек жолын 1995 жылы Созақ ауданында жеке кәсіпорында есепші болып бастаған.
1997 – 2002 жылдары аралығында Созақ ауданы әкімі аппаратында аумақты дамыту және кадрлық жұмыс жөніндегі бөлімінің бас маманы, бөлім меңгерушісі, аппарат басшысы қызметтерін атқарған.
2002 – 2015 жылдары аралығында Оңтүстік Қазақстан облысы әкімінің бас инспекторы, Шымкент қаласы Еңбекші ауданы әкімінің орынбасары, Созақ ауданы әкімінің орынбасары, «Қазатомпром-Демеу» ЖШС филиалының директоры, Созақ аудандық мәслихатының хатшысы лауазымдарында қызмет еткен.
2015 – 2017 жылдары аралығында Оңтүстік Қазақстан облысы Созақ ауданының әкімі болған.
2017 – 2019 жылдары аралығында облыс әкімі аппараты ұйымдастыру-инспекторлық жұмыс және аумақтық даму бөлімі басшының орынбасары болып қызмет еткен.
2019 жылдың қазан айынан бастап Түркістан облысы әкімі аппараты ұйымдастыру-инспекторлық жұмыс және аумақтық даму бөлімінің басшысы болып еңбек етіп келді.
